2020/05/31

Txamantxoia (1941m)

EGUNA: 2020/05/30

ABIAPUNTUA: Borda Marengo (923m)

ZAILTASUNA: Erraza

DENBORAK:
  • Igoera: Bi ordu eta erdi
  • Jaitsiera: Ordu eta erdi
NOLA AILEGATU:
Erronkari ibarrera joateko Iruñetik Pirinioetako Autobidea hartu eta Irunberrira joan behar da. Hemendik Zaraitzuko bailarara doan errepidea hartu behar da Nabaskoize herrian utzi eta eta Burgi aldera jo arte. Coronaseko lepoa zeharkatu, Erronkarin sartu eta bailara igotzeari ekinen diogu. Izabatik goiti, Belaguan barneratuko gara eta errepidearen eskuinetara dagoen gasnategi bat bilatu beharko dugu. Bertatik hasten da ibilaldia.

ARRASTOA:
Powered by Wikiloc


KRONIKA:
Konfinamenduaren irekierarekin batera, herri inguruko mendiak utzi eta aspaldiko partez Pirinio aldera jo genuen. Nafar Pirinioaren lekurik ezagun eta ikusgarriena Belagua ingurua da dudarik gabe eta bertara joateko ohitura aunitzik ez dugun arren, leku zoragarria da. Mendian lasterka egun batzuk lehenago orkatilan egin nuen bihurrituaren ondorioz Hiru Erregeen Mahaiari itzulia emanez egin nahi genuen bi eguneko zeharkaldia alde batera utzi eta B plan baten bila hasi ginen. Zuriza eta Belaguaren artean altxatzen den Txamantxoia mendia hautatu genuen, bere altuera apala izan arren inguruetako mendien begiratoki ederra dena.

10:26 : Borda Marengo (923m)
Mantso hasi ginen ibiltzen gasnategi inguruan autoa utzita.


Alertze eta belar arteko bidexkak segidan hartzen du goitiko bidea, atsedenik gabe lehen zati honetan.


Itzalak ematen zigun freskotasunean erritmo bizian egin genuen igoeraren puska hau.


Zuhaitz artetik atera eta larre berdeetan igo ahala inguruko mendiak agertzen hasi ziren: Kartxela eta Lakora inguruak, bertzeak bertze.


Erronkari ibarra, gutxitan etortzen gara etxetik hurbil dugun txoko honetara.


Baso zatiak eta larreak tartekatzen dira igoeraren erdiko zatian.


Polita da zati hau, eta gainera igoera guzia bezala ibiltzeko arras erosoa.


Azken baso zati hetsian...


Kartxela eta Keleta inguruak, ekaina ia gehienean Nafarroatik ezinen garenez atera bertara ere joanen gara agian.


Goitiko zatian arbolak desagertu eta larre zabaletatik ibili ginen gandor zabalera atera arte.


Alfonbra berdea, asteon erran bezala ibiltzeko arras erosoa.


Mendiaren hegoaldean Ezkaurre eta bere ipar-ekialdeko ertza. Ea noizbait bisitatxo bat egiten diodan.


Maldak akitu eta azken zatia gandor zabal eta luzetik egiten da. Gailurra urrunen ikusten dena da.


Zati honetako panoramika ederra da alde guzietara eta Zuriza inguruko mendiak dotore ikusten dira.


Azken maldatxoa gailurrera ailegatzeko...


12:21 : Txamantxoia (1941m)
Bi ordu eskasean goitian ginen erritmo onean igo eta gero...


Gailurrean luze egon ginen inguruaz gozatzen. Zuriza aldera duen ikuspegia zoragarria da bertako mendi guziekin. Irudian ezkerretik eskuinera Auñamendi, Hiru Erregeen Mahaia, Petretxema, Sobarcal, Acherito, Chinebral, Gorreta de los Gabatxos, Quimboa mendiak, Alano mendiak...


Egonaldiaren ondotik beheitirakoa igotako bide beretik...


Argazkian Lakora eta Belaguako aterpe inguruak...


Ziztu bizian alfonbra berdean beheiti. Edozein lekutatik jaisten ahal da.


Lehen arbolak...


Baso trinkoenerako sarrera tunel itxurako sarrera honek markatzen du. Garrantzitsua da toki hau harrapatzea basora ongi sartzeko.


Tunelaren barrenean...


Azken zatia...


14:15 : Borda Marengo (923m)
Lau ordu azpitik eman genuen Belaguako mendi polit eta ezagun hau bisitatzeko itzulia. Gehiagotan etorriko beharko gara inguru hauetara...

3 iruzkin:

  1. Que ganas de subir al Pirineo!!! Yo tendré que tener paciencia, entre una lesión en la espalda y que aún tardarán en dejar movernos por distintas provincias... pero que gusto verte por el verde....

    ErantzunEzabatu
    Erantzunak
    1. Hola David!

      Qué tal? Y yo que pensaba que eras de Huesca! Jajajaja... Parece ser que a partir del lunes que viene vamos a poder trasladarnos a las provincias vecinas, así que tampoco tendrás que esperar mucho. Lo de la espalda ya será otra cosa...

      La verdad es que suelo ir poco al Pirineo Navarro y es una pena. Al menos el confinamiento está sirviendo para darnos cuenta de lo que tenemos al lado... El fin de semana Belagua estaba lleno de navarricos que parecía San Fermín.

      A ver si coincidimos algún día.

      Un saludo!

      Ezabatu
  2. Aupa! Pues no, soy de Zaragoza, pero ahora llevo dos años viviendo bien a gusto en Soria, otro paraíso...
    como bien dices, mi espalda se va a prolongar más que el estado de alarma, pero todo sea por una buena recuperación!
    A ver si coincidimos alguna!!

    ErantzunEzabatu