2010/04/24

Bisaurin (2667m)

EGUNA: 2010/04/24

IRTEERA: Lizarako aterpea

EGURALDIA: Eguzkitsua

ZAILTASUNA: Errexa (F), azkeneko malda tentea da eta beraz, elurrarekin beharrezkoak dira kranpoiak eta pioleta.

DENBORA: 2h 46min (Igoera).

NOLA IRITSI: Iruñeatik Esako urtegia inguratuz Jacako bidean, Puente la Reina de Jaca herriraino iritsiko gara. Hemen ezkerretera biratu Echo aldera. Jasa eta Aragües del Puerto herriak atzeab utzi eta gero, pista asfaltatu batek Lizarako aterpe politeraino eramango gaitu.

SARRERA: 
Mendebaldetik hasita 2600 metroak gainditzen dituen menditzarra da Bisaurin. Lizaratik igoera motza eskaintzen digu eta zailtasunik gabea. Bere gainetik ikusmira ederra du. Mendi aproposa mendi eskia egiteko ere.

DESKRIBAPENA:
Udaberriko asteburu polita zetorrela eta plana egitea erabaki nuen eta mendirako jendean bilatzen hasi nintzen, bertze askotan bezala. Mendi aukeratua: Bisaurin. Igoera luzeegia ez izaterak eta bere elur malda tenteak erakartzen ninduten ezagutu gabeko inguru horretara. Azkenean, jendea animatu eta hirukotea abiatu ginen ortziral gauean Lizarako aterpera. Nik aterpean pasako nuen gaua eta beraiek furgonetan. Gaueko 11ak aldera iritsi ginen kotxez betetako aparkalekura. Beraz, biharamuneko hitzordua jarri aterpean gosaltzeko eta denak ohera.
Berandu jeiki ginen eta lehenengo ezustekoa hartu genuen segidan. Nere bi lagunak materialik (kranpoiak, pioleta eta betaurrekoak) gabe etorri ziren. Enfin! Zorionez aterpeko jende jatorrak berena utzi zigun (betaurrekoak ez bertze gauzak) eta berandu baina goraka abiatu ahal izan ginen.

0h 00min: Lizarako aterpea (1540m)
Horrela, zortziak eta erdiak inguruan, nahi baino askoz ere beranduago aterpearen atzeko pistatik gora egin genuen.



Lehen maldak pistatik igota Collado do Foraton lepoa begibistan.

Bidean aurkitu genuen zelai bakarra. 1100 metroko desnibela gainditzen da metro guttitan, beraz dena gora!

Aterpearen inguruko larreak behean gelditu ziren.

1h 04min: Collado do Foraton (2032m)
Erritmo bizian lehenengo elur malda gainditu eta lepora ailegatu ginen. Nahiz eta eguzkiak denbora asko zeraman berotzen elurra oraindik egoera oso onean zegoen. Aurrean, Bisaurineko malda famatua.

Beraz goraka hasi ginen tarteka argazkiak egiteko geldituz.

 Malda honek metro gutxitan 600 metroko desnibela irabazten du.

Momentu batzutan, elurrarekin 40 graduko inklinazioa ere hartzen du.

Arrastoa zuzenean igotzen zen, beraz gu ere.

Azkenean, malda pixkat etzaten da eta gailurra ikusten da hurbil.

Abiapuntua behean...

...eta bista ederrak gainetik.

Lagunak azken metroetan.

Berriz ere Lizarako aterpe ingururantz gainetik.


 2h 46min: Bisaurin (2667m)
Azkenean, aldapa tentean denbora dezente pasata gailurreko bista zoregarriez gozatu ahal izan genuen. Kornisa beldurgarrien artetik ateratzen ziren korridoreetatik eskalatu zutenak.

Gu pozik goian.

Giro ederra zegoen gailurrean. Jende asko eta jatorra. Folklorea ere ez zen faltatu.

Castillo de Acher, Auñamendi eta abar...

Mendizaleak kornisa artetik ertzera ateratzen.

Goian ederki gosaldu ondoren, beheraka abiatu ginen lasai-lasai. Argazkian tontorreko jendetza ageri da.

Beheeeeraaaaaaaa!

Malda pixka bat etzaten da lepora inguratu ahala.

Berriz ere Collado do Foratonen.

Atzera begirada igo eta jeitsitakoari.

Oraindik horraino jeitsi behar genuen.

Baina aurretik atseden bat hartu genuen aurkitu genuen lehen belar zatian.

Eta gero ipurdi-eski modalitateari egurra ematen.

2012an olinpikoa izanen den kirola.

Elurretik ateratzeko puntuan, udaberriko paisaia zoragarriak!

Baina egun beroan, hodei ilunak agertzen hasi ziren.

Guri jadanik bost axola, aterpea hurbil baikenuen.

Aterpera ailegatzen.

Iritsi ginenean, aldatu eta bazkari ederra egin genuen Lizaran. Eskerrak eman utzitako materialagatik, ordaindu eta bueltan abiatu ginen. Bidean Esako urtegian bainu ederra eta azkar-azkar Atarrabiara Doctor Deseoren kontzertu bat ikustera, egun bikaina borobiltzeko.

2010/04/05

Petretxema (2360m)

EGUNA: 2010/04/05

IRTEERA: Linzako aterpea

EGURALDIA: Eguzkitsua

ZAILTASUNA: Errexa (F). Nahiz eta elurrarekin izan, mendi honek ez dauka zailtasun handirik.

DENBORA: 3h 00min (Igoera).

NOLA IRITSI: Iruñeatik Izabara hurbildu behar dugu eta hemendik San Martingo Harriko lepora doan errepidea hartu. Herritik atera eta km. gutxi batzuetara eskuinera biratuko gara Ansora doan errepidea hartuz. Errepide honetatik zuzen Zurizako kanpinera iritsiko gara. Hemendik aurrera pista bat jarraituz Linzako aterpea topatuko dugu.

SARRERA:
Petretxema Hiru Erregeen Mahaia bezalako mendi baten baten itzalean egon arren, tontor klasikoa da nahiz udan nahiz neguan. Zonaldearen edertasunak eta igoeraren erreztasunak jende asko erakrtzen du. Igotzeko biderik erabilienak Linzako aterpetik eta Lescundik ateratzen dira. Berez, Petretxema, bere ondoan zerurantz luzatzen den Ansabereko orratz dotorearen "anaia txikia" da.

DESKRIBAPENA:
Negu zati gehinena neraman Petretxemara joan nahian baina eguraldiagatik edo bertze planengatik behin eta berriz atzeratzen ari nintzen. Azkenean Bazko biharamunean, besta eguna aprobetxatuz eta eguraldiaren iragarpen bikaina ikusirik, saiakera egiteko ideiarekin atera ginen lagun kuadrila.
Neguan esperientzia apala izanik, Petretxema ikasteko leku bikaina zela irakurri nuen eta horrek eraman gintuen bertaraino.
Bazko egunean bertan, gauez atera ginen eta hamaikak aldera ailegatu ginen Linzako aterpera. Gutako bik aterpean erreserba eginda zeukaten eta bertze biek furgonetan pasako genuen gaua. Hala biharamunean, ia gaua begirik itxi gabe pasa eta gero 7etan ernatu ginen eta aterpean gosaldu ondotik 8etako prest geunden igoerari ekiteko.

0h 00min: Linzako aterpea (1340m)
Goiz hotza atera zen eta bixi-bixi abiatu ginen berotzeko asmoz. Irudian El Paso del Oso.

Linzako aterpe ederra.

Eguzkiak poliki-poliki inguruak goxatzen zituen.

Eta gu ere parez pare jotzen gintuen.

Sobarcal eta Acherito mendien artetik zetozen izpiak.

Lehenengo maldetan belarra zapaldu arren, laister hasi zen elurra agertzen.


0h 30min: Sobrante de Linza (1580m)
Ateka batetik pasatuta zonalde lau batera iritsi ginen gure eskuinean txabolatxo bat utziz. Lautada utzi eta gero arrastoak berriro gorako bidean jarri gintuen Petretxemako amildegia gaindituz. Elurra gero eta ugariagoa zen eta laster jantzi genituen raketak.

1h 30min: Linzako lepoa (1905m)
Uste baino denbora gehiago pasatuz eta nahiko sufrituz elur biguna zela eta, Linzako lepora ailegatu ginen.

Ikuspegia ederra benetan! Ezkerrean Hiru Erregeen Mahaia eta eskuinean Petretxema itxura politarekin. Bertze esfortzutxo bat...

Hala ere, gure indarrak akitzen hasiak ziren negu sedentarioa eta gero, eta horri elur biguna gehitzen badiogu, sufimendua ederra. Gainera, elurra aurreko egunetan bota zuenez arrastoa ireki gabe zegoen eta guk egin behar izan genuen lan pisu hori. Azkenean, arista zabalera atera ginen eta hemen jadanik elur gutxiago eta gogorragoa aurkitu genuen.

Benga azken esfortzua eta... Gailurra!

Hiru Erregeen Mahaia.

3h 00min: Petretxema (2360m).
Gora gu ta gutarrak! 20 bat minutuan egon eta behera, goian hotz ederra egiten zuen eta.

Pixkat jaitsi eta gero, Linzako lepora ailegatu aurretik gosaltzeko geratu ginen. Tenperatura goxoagoa zegoen hemen eta umorea ere ona!

Eta berriro erritmo ederrean beheraka.

Atsedenaldiren bat tartean...

Eguraldia apartekoa.

Mendiko egun ederra giro onean!