Arette - La Pierre Saint Martin estazioko pistetan

EGUNA: 2023/11/25

ABIAPUNTUA: Arette-La Pierre Saint Martin eski estazioa (1656m)

ZAILTASUNA:

• Eski zailtasuna: S2

NOLA AILEGATU:

Gure kasuan Izpegiko lepoa zeharkatu eta Behe Nafarroa eta Zuberoan barrena egiten dugun Aretteko eski estaziorainokoa. Garazitik Larzabalerako bidea hartu eta hemendik Atharratze aldera doan bidea hartuko dugu. Atharratze gurutzatu eta eskuinetara Santa Grazira doan bideari segituko diogu. Santa Grazitik goiti Soudeteko lepotik ailegatuko gara Arette-La Pierre Saint Martingo eski estaziora.

ARRASTOA:

Powered by Wikiloc

KRONIKA:

Eski denboraldiari hasmenta berriz ere Aretteko pistetan eman diogu, 2020 eta 2021ean bezala.. Eguraldi eta elur-baldintzen inguruan zalantzak genituela hurbildu gara estaziora, eta azkenean uste baino hobeki ibili gara.

9:28 : Arette - La Pierre Saint Martin (1656m)

Aparkalekutik beretik eskiz abiatu ahal izan gara. Elur geruza ez zen lodiegia, baina elurra zapatzeko makinek beren lana egina zuten eta eskiak ez hondatzeko adinako elurra zegoen.

Azpiko zatia utzi eta Boulevard des Pyrenees pista ezagunaren bila jo dugu.

Pista honetatik goiti igan ahala, eski estazio batean egotearen sentsazioa gutitu egiten da. Teleaulkirik ez da ikusten eta inguru karstikoa elurtuta beti egoten da ikusgarri.

Pistetatik kanpo eskiatzeko elur gutiegi...

Pista osorik igan dugu, estazioko punturik altuenaren bila.

Auñamendi pistetatik...

Goitiko partean...

Arlas eta eski estazioa...

Le Panoramique telñeaulkiaren goitiko geltokian akituko zen gure igoera.

10:39 : Telesiege Le Panoramique (2153m)

Ordubete inguru eman dugu puntu honetaraino ailegatzeko. Foka larruak kendu eta lehen jaitsiera zuzenean iparraldera eginen genuen, Lagopedes deitzen den pistatik beheiti. Ipar orientazioa zuten pistetan elurra baldintza onean harrapatu dugu eta gozatu ederra hartu dugu.

1670 metroraino jaitsi gara Lagopedes eta Ifs pistetaik. Pista hauen beheitiko punturaino elurra zegoen, baina azpiko zatian ez hain kalitate onekoa.

Berriz foka-larruak paratu eta goiti egin dugu bide beretik.

12:45 : Telesiege le Panoramique (2153m)

Bigarrenez eski estazioko punturik altuenean, azken jaitsiera egiteko prestatu gara.

Lagopedes pista jaitsi eta Boulevard des Myrtilles izeneko pistatik itzuli gara estaziora. Lehen kontaktua eskiekin sentsazioak errekuperatzen hasteko!